Glòss (segur), oai, e libertat pels animals !

Situacion actuala

En Euròpa, quicòm coma 40 000 animals son encara tuats cada annada pels tèsts cosmetics. A ela sola, la França n’es responsabla de mai de la mitat ! Aquelis tests son faits siá per las firmas, siá en jos-tractança, que siá pels ingredients (80% dels tèsts) o los produits finals (es a dire la formula, tala qu’es venduda al cosomator).

En qué consiston los tèsts ?

Per exemple, de cans son forçats de beure de poduits fins a que ne mòran. De mirgas despeladas e cubèrtas de produits son expausadas jos de lums que las brutlan (tèst de fotosensibilitat). Los animals son pas anestesiats e totjorn tuats a la fin de l’experiéncia.

Aquelis tèsts son quitament pas obligatòris ! Es obligatòri de testar l’inocuitat d’un produit, mas pas de lo testar suls animals. D’unas companias utilisan de metòdes biosubstitutius fisables !

Ont ne sèm amb la lei

Una directiva Europenca es passada en 2003 que la tòca n’es d’abolir los tèsts suls animals.
Cronologia d’aquela directiva :

PASSAT

• Setembre 2004 : interdiccion de testar suls animals los produits cosmetics finals en Euròpa.
(Per contra, cada ingredient pòt encara èsser testat a part e la formula se pòt far testar fòra-UE)

• Mai 2005 : la Cort Europenca de Justícia regeta lo recors de la França contra aquela directiva. L’industria cosmetica francesa (la mai granda d’Euròpa) es una de las raras de l’Union d’aver un programa de test cosmetics suls animals, e d’unas companias (coma l’Oréal) peson de millions d’Euròs dins l’economia francesa.

• Mars 2009 : interdiccion de testar los ingredients (de la compausicion del produit) suls animals dins l’Union. Manca se i a un rics de toxicitat amb de dòsas repetidas, o per la reproduccion, alavetz, se pòdon encara testar fins a mars 2013 (data d’interdiccion totala, dins l’Union, de commercialisacion de produits testats)
(Se pòdon totjorn testar en defòra d’Euròpa)

DE VENIR

Los cosmectics testats endacòm mai podràn pas mai èsser venduts dins l’UE après 2013.
Fins a aquela data, es malaisit de saber quin produit es testat o pas…
De mai, aquela lei s’aplica… en Euròpa ! Mantunes paises fòra-UE seguisson pas forçadament aquela politica. Se pòt encara qu’un ingredient testat dins un autre país se trobe un jorn dins un cosmetic vendut sul territòri europenc.

Trapar tot çò que nos cal en non-testat

Mèfi a la mencion « poduit final non testats sus animals » que vòl pas dire que los ingredients son pas testats (avèm ja vist : ingredients = 80% dels tèsts).

LOS BASICS DE TA MENINA

Per far la vòstra causidas, cal saber qu’un produit, per aver besonh d’èsser testat, dèu aver siá una novela formula, siá un ingredient novèl. Se mefisar doncas d’un cosmetic que la pub ne seriá « novèl », « novèla formula », eca… Per contre (es pas qu’un exemple…) la crema Nivea de la mameta que la formula n’es la meteissa dempuèi las annadas 50 a pauc de probabilitat d’èsser testada. Mantunas marcas o produits utilisan d’ingredients ja coneguts. Doncas, pas cap de problèma per los basics coma savon de Marselha eca… cal pas èsser paranò tanpauc !

LO BIO

Per obtèner lo label « Bio », la carta es formala : cal que lo pruduit siá pas testat suls animals. Tot çò que trobarètz en botiga bio (e qu’a lo label) es pas testat. Bona novèla, dempuèi qualquas annadas se tròba de tot en bio : gel docha, shampoo, vernís per las onglas, maquilhatge…
S’avètz besonh de conselh per trapar tal o tal daquòs, demandatz-me, trabalhèri en botiga bio, coneissi un pauc tota la gama !

LA TIÈRA ONE VOICE

Coneguda dels consomators que volon pas de tèsts.
http://www.one-voice.fr/fr/page/label-one-voice

Los fabricants qu’obtenguèron lo label d’aquela associacion se son engatjats :
• a testar pas suls animals ni lors poduits finals ni lors ingredients
• a demandar pas a d’autres laboratòris d’o far per elis
• a pas metre dedins d’ingredients testats dempuèi mens de 5 ans

ALMAWIN / BIOAROMES / BIOKOSMA / CALLYOPE (Callyope, L’arche bleue) / CENTIFOLIA (Labio Centifolia ACM) / COMPTOIR DES LYS / LABORATOIRE ALVEND (Coslys, Anibiolys, Etamine du Lys) / COMPTOIR PROVENCAL DES ARGILES (Naturado, Rosalia) / COOP (Coop Naturaline, Coop Beldam, Coop Tonga) / ESTEE LAUDER / FARFALLA ESSENTIALS / GERDA SPILLMANN / LABORATOIRE CATTIER DISLAB / LABORATOIRE HOLISTICA INTERNATIONAL (Dermophytum) / LABORATOIRE KART / LA PHOCEENNE (Senteurs Provencales, Le Petit Olivier) / LI COSMETIC
LOGONA / LOUIS WIDMER / L’OCCITANE / MARTINA GEBHART NATURKOSMETIK / NACOS NATURAL BEAUTY (Nacos Naturkosmetik) / NEWAYS / NUXE / PRIMAVERA LIFE / PROVIDA (Provida, Evergreen, Azimuth) / RENTSCH HANDEL (Athanor, Himalaya, Catherine Rentsch, Risana) / SAINT CLOU COSMETICS / TRYBOL (Trybol, Balma, Jobra, Tomaii, Bicosmetic, Raseclair) / WALA (Wala, Dr. Hauschka) / WALTER RAU / WELEDA.

La màger part d’aquelas marcas se tròban en botiga bio, manca L’Occitane (dins las loras botigas) e Nuxe (supermercat e parafarmacias)
(Mèfi : Sanoflore e The Body Shop, que son dins la tièra normalament, foguèron crompats per L’Oréal. Teston pas, mas vòstre argent va a L’Oréal. A vos de veire…)

/!\ Tièra Negra :

Tièra trobada sul web, de marcas que teston ! Es mai longa ! ^^

Beiersdorf : 8×4, Atrix, Elastoplast, Eucerin, Futuro, Hansaplast, Juvena, Labello, La Prairie, Nivea / Clarins / Club Créateurs de Beauté : Agnès B, Corinne Cobson, Cosmence, Maniatis, Marina Marinof, Michel Klein, Tan Giudicelli / Colgate /Palmolive : ABC, Ajax, Artic, Caprice, Cleopatra, Colgate, Crystal Clean, Crystal White Octagon, Dermassage, Dynamo, Fabulosa, Fleecy, Irish Spring, Javex, Mennen, Murphy, Palmolive, Protex, Softsoap, Speed Stick, Suavitel, Teen Spirit, Vel / Estée Lauder Companies : Aramis, Aveda, Bobbi Brown, Bumble and bumble, Clinique, Donna Karan, Estée Lauder, Jane, Jo Malone, La Mer, M.A.C., Origins, Prescriptives, Stila, Tommy Hilfiger / Gillette : Dry Idea, Gillette, Oral-B, Right Guard, Satin Care, Soft & Dri / GlaxoSmithKline : Aquafresh, Lactacyd, Macleans, Sensodyne, Zovirax / Henkel-Schwartzkopf : Antica Erboristeria, Aok, Bac, Barnängen, Bref Javel Net, Creme 21, Denivit, Diadermine, Dixan, Fa, Fiorucci, Gliss Kur, Krizia, La Perla, La Toja, Lavax, Licor del Polo, Mont Saint Michel, Neutromed, Palette, Persil, Poly, Pritt, Schauma Glemo, Scorpio, Seborin, Sergio Tacchini, Sil, Taft, Teraxyl, Terra, Theramed, Vademecum, Wipp / Johnson Wax : Brise, Empathy, Fantastik, Glade, Gleid, Mr. Muscle, Pledge, Pliz, Pronto, Raid, OFF!, Scrubbing Bubbles, Toilet Eend, Ziploc / Kimberly Clark : Cottonelle, Depend, GoodNites, Huggies, Kleenex, Kotex, Little Swimmers, Poise, Pull-Ups, Scott, Viva / Lever-Fabergé (Unilever) : All, Axe, Calvin Klein, Cif, Close-Up, Comfort, Coral, Cutex, Dove, House of Cerruti, House of Valentino, Impulse, Lux, Lynx, Mentadent, Omo, Organics, Physio Sport, Pond’s, Rexona, Salon Selectives, Signal, Sun, Sunil, Sunlight, Sunsilk, Surf, Sure, Thermasilk, Timotei, Vaseline / L’Oréal Group : Ambre Solaire, Biotherm, Cacharel, Carson, Dercos, Eau Jeune, Fath Jacques, Garnier, Gemey, Giorgio Armani, Guy Laroche, Helena Rubinstein, Kérastase, L’Oréal Paris, L’Oréal professionel, Lancôme Paris, Lanvin, La Roche-Posay, Matrix, Maybelline, Mixa, Mizani, Narta, O.B.A.O., Ombrelle, Paloma Picasso, Phas, Ralph Lauren, Redken 5th Avenue NYC, Scad, Soft Sheen, Ultra Doux, Vanderbilt, Vichy Laboratoires / LVHM : Acqua di Parma, Benefit Cosmetics, Donna Karan, eLUXURY, Fresh, Givenchy, Guerlain, Hard Candy, Kenzo, Le Bon Marché, Make Up For Ever, Christian Dior, Givenchy, Sephora, Thomas Pink, Urban Decay / Pfizer/Warner-Lambert : Efferdent, Effergrip, Fresh ‘n Bite, Listerine, Listermint, Plax, Schick, Trident White, Wilkinson / Procter & Gamble : Ace, Alfa, Alldays, Always, Antikal, Ariel, Azurit, Bess, Biactol, Blendamed, Bold 2 in 1, Bolt 2in1, Bonux, Biomat,Camay, Charmin, Circ, Clairol, Clearasil, Covergirl, Dash, Dash 2in1, Daz, Downy, Dreft, Dryel, Ellen Betrix, Fairy, Febreze, Giorgio, Head & Shoulders, Helmut Lang, Herve Leger, Hugo Boss, Infasil, Ivory, Jar, Kamill, Laura Biagiotti, Lenor, Litamin, Max Factor, Mediker, Moher, Mr. Proper, Noxzema, Olay Cleanser, Oil of Olaz, Old Spice, Pampers, Pampers Baby Wipes, Pantene, Pert Plus, Rejoy/Rejoice, Roge Cavailles, Safeguard, Swiffer, Swiffer WetJet, Tampax, Tempo, Tide, Tix, Valensina, Vidal Sassoon, Vizir, Wash & Go, Zest / Reckitt Benckiser : Airwick, Brasso, Calgon, Dettol, Disprin, Gaviscon, Harpic, Lemsip, Steradent, St.-Marc, Veet, Woolite / Sara Lee Corporation : Ambi Pur, Brylcream, Catch, Kiwi, Prodent, Radex Vitality, Sanex, Zwitsal / Yves Rocher

Sabi pas çò que val, de verificar (per exemple Estée Lauder i es, mas es tanben dins la de One Voice, mai fisabla per ieu, perque fòrça restrictiva).
Se i a vòstra marca preferida dedins, conctactatz-los per lor demandar.

Tot lo dequerò cap a la feminitat, lo biais de’s vestir, qu’es enqüèra quauquarren de problematica en çò de numerosas hemnas. Qu’es sustot un punt mauaisit de devisar, de soscar e mei que mei de teorisar, pr’amor qu’es quauquarren de drin viradissa, qui pòt lèu desrapar. Totun prenem lo resegue de respondre aquí, ne balhar un pichonet istoric de la jupa, e ne balhar lo noste vejaire sus la question !

La mini-jupa qu’estó sonque inventada dens las annadas 60 per la Mary Quant. Abans d’era, la jogadora de tennis Suzanne Lenglen portava jà ua rauba au dessús deus genolhs dens las annadas 20, mes la famosa rèula deus 10 cm jos lo cuu qu’arriba dab Mary Quant.

Aqueste vestit escandalos n’apareish pas dens l’estat francès qu’en 1964 dens ua coleccion d’André Courrèges. Léu, las celebritats de l’espòca segeishen la mòda, lèu seguida per numerosas hemnas qu’an hami de deslibrar lo lor còs. Mes aquesta navèra mòda ne platz pas a tot lo monde, e daubuas hemnas n’en pateishen las consequancias. Atau, la presentatriça de television Noëlle Noblecourt qu’es virada pr’amor d’aver muishat los sons genolhs a la television. Alavetz, la mini-jupa que vad un simbèu hòrt deu feminsme qui nasca sonque dens l’estat francès. Qu’es portada per numerosas hemnas qui lutan contra lo sistèm estableishit dens loquau qu’an mensh de drets que los òmis.

Totun, que sia en çò de daubuas hemnas coma dens un reflèx feministe, ont en çò deus òmis, la jupa que chepica, que truca enqüèra tròp sovent

Mes, es que, uei lo dia, la plaça de las hemnas e las soas libertats que son enqüèra questions de las problematicas. Mentre que las feministas qu’an tribalhat e tribalhan enqüèra entà que las hemnas progressen e caminen dens lo contèxt sociau, politica, economica autant coma suu vejaire qu’an d’eras-medishas, víver la soa feminitat demòra enqüèra tròp sovent  quauquarren de contreversat, e quitament viradissa.  Atau, tròp de hemnas que son obligadas de víver maishament e mauaisitament la loa feminitat, assimilada a ua condicion vergonhosa  e clandestina. Atau dens numerós barris lo jogging qu’es lo solet vestits permès a las gojatas, sinon que son enfrentadas aus escarnis o quitament a la violéncia masculina. Aqueste exemple, benlèu estrème, que’ns muisha plan la presencia deu machisme.  Que s’ageish quitament d’un tornar a un sexisme primàri, d’ua recenada de las grèus.  Aquesta recenada n’es pas visibla que dens daubuns barris, mes qu’es plan presenta per tota la societat nosta. Autanlèu dens las carrièiras, las hemnas que pateishen enqüèra e totjorn las atacas sexistas, e los escarnis : shiulets, interpelacions…, qui s’an lo malastre de responér se viran en escarnis, o sordeih…  Sovent, lo biais de vestí’s que botat sus l’empont peus agarridors, e totun, aquestas situacions qu’arriban tanben quan son vestidas d’un jogging… Autant coma dens la reaccion de la societat cap a las agressions sexuaus, ont tròp sovent enqüèra los vestits feminins que son sorga d’atenuacion deu crimi qu’an pateishut : s’aveva botat quauquarren de mensh provocant, segurament ne seré pas jamei estada violada…

Dens la lor combat entaus drets de las hemnas, las feministas qu’an segur ganhat lo dret que poscan portar eras-tanben lo pantalon, mes pas jamei n’an hèit que que sia entà que non porten pas mei de jupas ! Pas jamei las feministas n’an demanat a las hemnas de negar la loa feminitat, de sacrificar la loa identitat sexuau, de deishar cader ua part importánta de lor estre.  Simone de Beauvoir per exemple, que disèva jà que la hemna non dèu pas s’amputar de la soa feminitat entà vader l’egau de l’òmi : « ce serait une mutilation de répudier son sexe. L’homme est un être humain sexué. La femme n’est un individu complet, et l’égale du mâle, que si elle est aussi un être humain sexué ».  Que’ns cau  víver coma hemnas la nosta condicion de hemna ! Autant coma estar feministas ne vòu pas díser negar la soa feminitat ! Estar ua hemna, l’assumar, tot ne deféner ideas progressistas, antisexistas qu’es tanben ua sorga de questionament, de conficte interior. Los vestis que prenen dens aqueste soscament ua importancia de las granas : ne volem pas estar redusisas sonqu’au noste vagin, ni a las quitas popas,  volem decidir deu noste anar, ne volem pas estar chepicadas, trucadas, ni importunadas… Mes ne volem pas tanpauc negar la nosta feminitat, volem l’exprimir cadua deu noste biais (pr’amor la feminitat n’es pas un termi immudable coma nos lo vòu har créder la societat de consomacion actuau), autant coma volem tot aisitament estar de las hemnas liberadas, qui n’an pas nat compte de rendre a degun ! E las hemnas ne seron pas reaument libras tant que n’auran pas caminat dinc ad aquesta estat de naturau e d’evidencia dont saunejava ja Simone de Beauvoir : « elles se retrouveront femmes sans peine puisu’après tout, elles le sont ». Mes a maugrat d’escader ad estar era-medisha shens nada paur ni chepic, las hemnas qu’es enqüèra e totjorn enfrentada au conservatisme, a ua imatge aramida de la feminitat, o enqüèra au canon de beutat que’ns impausa la societat, e qui son acceptats per quasi tot lo monde… Alavetz, la hemna, que sia feminista o non, qu’es enqüèra tròp aharada a cercà’s, justificar las soas causidas, sons actes o lo son comportament… A manca d’estar aisidament sia, shens i soscar ni se pausar nadas questions… Benlèu seré temps qu’aquesta hemna posca s’impausar e s’exprimir o meilèu, que la societat vòu plan li balhar la soa plaça !

Tanben, abans d’arreprochar a daubuas hemnas lo lor sexisme pr’amor d’un pegasolet ont ua hemna qu’es vestida d’ua mini-jupa, pr’amor que’s vesteish era-medisha de mini-jupa, o que que sia cap aus vestits de las hemnas que caleré meilèu pausar las bonas questions, e botar sus l’empont problematicas reaus e vitècas. Atau, de vertat qu’es que la feminitat ? La quau que’ns caleré assumar ? La feminitat n’es pas donc qu’un termi fic ? N’i a pas numeros biais d’exprimir la soa feminitat ? E cau seguir lo modèu de la premsa feminina e deus medias en generau ?  Quau es aqueste còs que’ns cau muishar ? Lo estereotipat qu’arretrobam pertot ? Ne cau pas har la guerra au canons de beutat ?

Nosautes qu’avem segur quauquas ideas sus la question. E pensam que vertaderament las dificultats cap a la feminitat, las consequencias e los cogiments, qu’an pro pesat sus l’esquina de las hemnas entà que uei lo dia que deishem las hemnas trobar la loa pròpia inspiracion, en s’assumar com lo volen, qui e com que sian !

Ne vaquí lo visual, e la resulta (son arribats uèi de l’estampariá !) :

Vos balhèm rendètz-vos a Rodès, per l’Estivada, ont tota la còla de l’OLC serà (pas totis los sers, mas i serèm totas !!)

A plan lèu, e bel estiu !!

___________

Pegasolet 4,5 x 7,5 cm, 1€ los 12 se ne volètz, directament en venta a l’Estivada, e per correspondéncia.

… amb lo novèl logò, e autres elements visuals de l’OLC.

Per ara, s’i va parlar de camisetas OLC oficialas, per portar aquel estiu. Sètz convidats, a lèu !

(e, e, de qué veni de veire ?? un gojat parla de nousaus !! aquí !!)

Mercés per aquel omenatge !

O podètz trapar aicí : (clic)

Lo forum es dubèrt a totis/as, pas sonque a las gojatas de l’OLC ! Las idèias per son evolucion son plavengudas tanben !

Mai d’entre-senhas sus la pagina Creacions (clic) !

E se sètz preissadas de z-o portar per manifestar, cal pas esperar la protèsta d’octòbre, podètz anar lo 4 d’abril a Pau (clic, ligam).

Son pas polidas ?

(pffff… me caldriá grandir un jorn…)

Lo demora que sera ta un aute dia… pr’amor las hemnas de l’OLC que son tanben hemnas de las activas !!

Per i participar, daissatz un comentari a la seguida d’aqueste messatge, auretz plan lèu de nòstras novèlas !